Muqdisho (Dawan ) – Dowladda Federaalka Soomaaliya ayaa daah-furtay madal qaran oo isku-duwaysa qaybta beeraha, iyadoo lagu doonayo kordhinta wax-soo-saarka iyo xallinta cunno-yarida, xilli dalka uu wajahayo abaaro soo noqnoqda.
Madashan ayaa waxaa hirgelisay Wasaaradda Beeraha iyo Waraabka Soomaaliya , iyadoo ay ka qeyb qaadanayaan hay’adaha caalamiga ah ee Qaramada Midoobay sida FAO) iyo WFP, iyo daneeyayaal kale.
Ra’iisul Wasaare Ku-xigeenka Soomaaliya, Saalax Axmed Jaamac, ayaa madasha ka furay Muqdisho isagoo sheegay in madashan ay tahay mid lagu mideynayo awoodaha kala duwan ee ka shaqeeya wax-soo-saarka dalka.
“In aan mar walba laga falcelin Karin cunto yarida ee in loo baahan yahay in laga tashado oo laga gaashaanto.”
Wasiirka Beeraha iyo Waraabka Soomaaliya, Maxamed Cabdi Xayir “Maareeye”, ayaa sheegay in madashan ay mideyneyso dhammaan daneeyayaasha muhiimka ah ee qaybta beeraha.
