Muqdisho (Dawan)- Waa eedeysane ma quuste ah. Wuxuu ku eedeysanyahay kiiskii ugu hadal heynta badnaa sanadkan dalka oo ah dilka xaaskiisii Luul Cabdicasiis oo u geeriyootay dab la qabadsiiyay gurigii ay dagganayd.
Rajada Sayid Cali waxay ku xiran tahay go’aanka maxkamadda sare, kadib markii eheladiisu ku guul darreysteen qancinta waalidka Luul in ay diyo qaataan oo kiiska lagu xalliyo maxkamadda ka bannaanka.
